La Forêt de Tristesse

Share on facebook
Share on twitter
Share on whatsapp

C'est icy la forest d'ennuy,
Ou arbre nesung* fruict ne porte
Et n'y peut vivre en paix nulluy,
Tout est layt et de fausse sorte.
Tout ainsi qu'elle se comporte,
Melancolie en est la dame,
Et n'est creature si forte
Qui contre elle droit y reclame.

Elle se tient icy bien pres
En ung chastel moult orgueilleux,
Et le voit on tantost après
Que l'on sault des pas** perilleux :
Il a nom Melancolieux
Par son droit nom ainsi qu'on dit,
Et siet sur ung roch merveilleux
En pays desert et maudit

Entour ce chasteau court ung fleuve
Par la puissance de ses charmes
Qui toute la contree abreuve
Et n'est que de pluye et de larmes
De gens malades et enfermes
Qui parmy ce desert languissent,
Ausquelz on tient si rudes termes
Que pleurs tousjours de leurs yeulx issent.

Oncques du chastel bien n'issy :
Les mors qu'on voit par ceste vente***
Sont mors par ceste dame icy
Qui est meurtriere et decevante,
Et, qui pis est, elle se vante
Que vent ne court en ce pays
Fors celluy qui des soupirs vente
De ceulx qu'elle fait esbahiz.

(*) aucun
(**) sort des passages
(***) coupe de bois

Recommander

Partager:

Share on facebook
Share on twitter
Share on email
Share on linkedin

CITATIONS ET EXTRAITS

{{ reviewsTotal }}{{ options.labels.singularReviewCountLabel }}
{{ reviewsTotal }}{{ options.labels.pluralReviewCountLabel }}
{{ options.labels.newReviewButton }}
{{ userData.canReview.message }}

Laisser un commentaire

Votre adresse e-mail ne sera pas publiée.

Autres ouvrages de

Jacques Milet