Le beau souleil, le jour saint Valentin

Le beau souleil, le jour saint Valentin,

Qui apportoit sa chandelle alumee,

N’a pas longtemps entra un bien matin

Priveement en ma chambre fermee.

Celle clarté qu’il avoit apportee,

Si m’esveilla du somme de soussy

Ou j’avoye toute la nuit dormy

Sur le dur lit d’ennuieuse pensee.
Ce jour aussi, pour partir leur butin

Les biens d’Amours, faisoient assemblee

Tous les oyseaulx qui, parlans leur latin,

Crioyent fort, demandans la livree

Que Nature leur avoit ordonnee

C’estoit d’un per* comme chascun choisy.

Si ne me peu rendormir, pour leur cry,

Sur le dur lit d’ennuieuse pensee.
Lors en moillant de larmes mon coessin

Je regrettay ma dure destinee,

Disant :  » Oyseaulx, je vous voy en chemin

De tout plaisir et joye desiree.

Chascun de vous a per qui lui agree,

Et point n’en ay, car Mort, qui m’a trahy,

A prins mon per dont en dueil je languy

Sur le dur lit d’ennuieuse pensee.  »
ENVOI
Saint Valentin choisissent ceste annee

Ceulx et celles de l’amoureux party.

Seul me tendray, de confort desgarny,

Sur le dur lit d’ennuieuse pensee.
(*) compagnon

Évaluations et critiques :

Le beau souleil, le jour saint Valentin
{{ reviewsTotal }}{{ options.labels.singularReviewCountLabel }}
{{ reviewsTotal }}{{ options.labels.pluralReviewCountLabel }}
{{ options.labels.newReviewButton }}
{{ userData.canReview.message }}

Commentez et laissez-nous savoir ce que vous pensez de cette poésie!

S’abonner
Notification pour
guest
0 Commentaires
Commentaires en ligne
Afficher tous les commentaires
0
Nous aimerions avoir votre avis, veuillez laisser un commentaire.x